പ്രാര്‍ത്ഥന

മുള പൊട്ടുന്ന വിത്തുകൾക്ക് നേരിൻ്റെ നിറം വേണമെന്ന് ശഠിക്കാനാവുമോ? തിളയ്ക്കുന്ന മൺകലം വേവുന്ന അരിയുടെ സ്വാദ് നുണയരുതെന്ന് പറയാനാകുമോ? Anooja Anil Kumar 29-12-2015

മനുഷ്യൻ നഷ്ടപെട്ട വഴിയോരത്തു വെച്ചാണ് മരങ്ങളെ അന്വേഷിച്ചു തുടങ്ങിയത്. പിന്നിൽ ശുന്യത പേറിയ വഴിയിടത്തിൽ അനന്തതയിലേക്ക് ഇല കൊമ്പുകളെ വിന്യസിച്ചു കൊണ്ടൊരു ഒറ്റ മരം . വിയർപ്പു കുപ്പായത്തിന്റെ കുടുക്കഴിച്ച് വേരുകളെ പുണർന്നപ്പോൾ ഇലകൾ കൊഴിച്ചൊരു സ്പർശനം. Anooja Anil Kumar അനൂജ അനിൽകുമാർ 04-02-2016

അലയുന്ന മനസ്സ് ******************* കടൽ കടന്നുവരുന്ന മഴക്കാറ്റ്, ജീവിതം എത്തിപ്പിടിയ്ക്കാൻ അക്കരയിൽ അലയുന്ന മനസ്സ് ഒരുപാടു നോവുകളിലും വേച്ചു വേച്ചു കയറുന്നു. തിരശീലയ്ക്കു പിന്നിലെ വേഷങ്ങൾകണ്ടു കളിനിർത്തുന്നവർ.... വിയർപ്പിന്റെ രുചി നുകർന്നു തിരിഞ്ഞു നടക്കുന്നു അവർ എന്തിനോ വേണ്ടി ആർക്കൊക്കെയോ വേണ്ടി നിർത്താതെ....നിർത്താതെ.... താനേ നിന്നുപോകുന്ന ഒരു ദിനത്തിനു വേണ്ടിയും....! Anooja Anil Kumar 23-11-2015

വഴികൾ *********** ഇങ്ങനെയങ്ങു പോകും ഒന്നുമല്ലാതെ , വെറുതെ അതാണു ജീവിതം. വേദനകൾക്കും പരിധിയില്ല. നീണ്ട പുഴയുടെ ഓരത്ത് ചരൽ കുന്നുകൾ പാരിജാതപൂവിന്റെ പാതകളിലൂടെ പോയിട്ടും ചെന്നെത്തിയതോ കരിയിലകൾ മൂടിയ മണ്‍പാതകൾ. നാളെയുടെ സ്വപ്നത്തുരുത്തിലേക്കുള്ള നീണ്ട ഇടവഴികൾ . Anooja Anil Kumar 08-11-2015

ശൂന്യം ********* എഴുതാൻ എടുത്ത പേനയിൽ മഷിയില്ല . പകരം എന്റെ രക്തം നിറച്ചു ! എന്നിട്ടും എഴുതാൻ കഴിയുന്നില്ല പേനയിൽ രക്തം കട്ടപിടിച്ചിരിക്കുന്നു ഇനി ഈ പേനയും രക്തവും ദൂരെ എറിയാം, ഒപ്പം ഈ ഞാനും! Anooja Anil Kumar 04-11-2015

ഇരുളിന്റെ മൗനരാഗം മഴയുടെ ലാസ്യഭാവം കുളിർകാറ്റിന്റെ താളമേളം. മറ്റൊരു മഴക്കാലം ഓർമ്മകൾ ഇനി പിറക്കാതിരുന്നെങ്കിൽ ഓർമ്മയിലുള്ളത് മറക്കാൻ കഴിഞ്ഞെങ്കിൽ.... Anooja Anil Kumar 29-10-2015